Berriak Herrizaingoa
Eu

Aldatu egin dute EAEko Poliziaren Aukeraketa eta Prestakuntza Araudia

2010.eko apirilak 20

EAEko Poliziaren Aukeraketa eta Prestakuntza Araudia zehazten duen Dekretuan bi aldaketa egitea onartu du gaur Gobernu Kontseiluak. Bi aldaketa horiei esker, agente eta komisariorde izateko adinak zabaldu dituzte; halaber, barneko lehiaketetan ezartzen diren merezimendu-baremoak ere handitu dituzte.

Gobernu Kontseiluak EAEko Polizia-taldeen Aukeraketa eta Prestakuntza Araudian gaur onartutako aldaketaren arabera, bai Ertzaintzaren bai Udaltzaingoaren agente izateko eskatzen den adina zabaldu dute: 32 urtetik, 35era. Hartara, Dekretuak EAEn polizia-funtzionario izateko orain arte gizon-emakume askok zuten muga garrantzitsu bat konpontzen du.
Bestalde, gaur onartutako Dekretuan aldatu duten beste adin-muga bat Ertzaintzaren eta Udaltzaingoaren komisariorde kategoriara igotzeko eskatzen dena da; izan ere, 40 urtetik 45era zabaldu da.
Dena dela, udaltzainei dagokienez, salbuespen bat ezarri da: gehienezko adin-muga konpentsatu ahal izango dute, Udaltzaingoetan lanean emandako denborarekin.
Dekretuak jasotzen duen bigarren aldaketa Polizia-taldeen barneko lehiaketetarako ezartzen diren merezimendu-baremoei dagokiena da. Orain arte, merezimendu-baremoetan merezimendu bidezko lehiaketaren eta izendapen askearen bidez eskuratutako lanpostuak baino ez ziren jasotzen, baina lanpostuak betetzeko Araudiak berak beste sistema berezi batzuk jasotzen ditu; besteak beste, lanpostuen mugigarritasuna atxikipenean aldaketak izateagatik, zerbitzu-eginkizunak edo bigarren jarduerako funtzionarioen lanpostuak betetzea.
Gabezia horri aurre egiteko, lanbide-karreran lortutako merezimenduak kalkulatzeko ohiko hornikuntza sistemen bidez zein legeak araututako ohiz kanpoko hornikuntza sistemen bidez lortutako lanpostuak bete izana kontuan hartzea ezartzen du Dekretu berriak.

Iruzkin bat
  • @UgaitzZabala
    2010.eko apirilak 20

    Comentario de Twitter:
    Non da dekretua?Aldaketarik euskararekin? RT @Irekia_News Aldatuta EAEko Poliziaren Aukeraketa eta Prestakuntza Araudia http://bit.ly/ccpPWS

Iruzkinak itxita daude dokumentu honetan
Komunikabideek behera kargatzeko