Berriak Ekonomia eta Ogasuna
Eu

2011rako AURREKONTU OROKORREN PROIEKTUA

2010.eko urriak 29

Euskal Autonomia Erkidegoaren 2011rako Aurrekontu Orokorrak krisitik ateratzen laguntzeko diseinatu dira, eta hiru helburu nagusi dituzte: aurrera egitea zerga sendotzeko ahaleginean, lehiakortasun ekonomikoa handitzea produktibitatea hobetuz, eta Ongizatearen Estatuaren egungo zerbitzu eta prestazioen mailari eustea.

Aurrekontu zorrotzak dira, ekonomia-jarduera eta enplegua bultzatzeko helburuarekin, berrikuntzan eta prestakuntzan oinarritzen direnak Euskadik gizarte iraunkorra, solidarioa eta lehiakorra izaten jarrai dezan.

Sendotze fiskalaren bideak BPGd-ren % 1,3ko defizita ezarri du (885 milioi euro), baina aurrekontu-ahaleginari esker helburua hobetu ahal izango da, eta defizita 818,4 milioi eurora murriztu, 294,7 milioi euroko aurrezki positiboa lortzeari esker.

Diru-sarrerei dagokienez, aipatu behar da enplegu-politika aktiboak eta Itsasoko Gizarte Institutuarenak transferitzearen ondorioz, 8.673 milioi eurora handitu direla foru-aldundien ekarpenak, 472 milioi eurotan handituz Herri-Dirubideen Euskal Kontseiluaren urriko akordioa. Beste alde batetik, diru-sarreren atalean, nabarmentzekoak dira, era berean, zorpetze garbia % 46,8 murriztu izana (1.017,8 milioi euro), eta euskal "Y" trenbide-sarerako funtsak % 22,2 handitu izana (275,5 milioi euro).

Transferentzien Batzorde Mistoak urriaren 28an onetsitako transferentziak sartuta, 2011rako aurrekontua 10.549,5 milioi eurokoa da eta, beraz, % 2,3 handitu da aurreko ekitaldikoarekin alderatuz. Langileria-gastuak % 3,4 murriztu dira, eta funtzionamendu-gastuak % 2,3.

Aurrekontuen proiektua hobeto ulertzeko, beste bi berezitasun aipatu behar dira, enplegu-politika aktiboen eta Itsasoko Gizarte Institutuaren hezkuntza, enplegu eta lanbide-heziketako zereginen transferentziarekin batera. Lehenengo eta behin, gastuen partidetan egindako murrizketak ez dakar zerbitzu publikoen murrizketarik, 3/2010 Legean ezarritako langilearen kostuen murrizketarako neurrien isla baita batez ere. Beste alde batetik, foru-aldundiek 2010eko ekitaldian egindako ekarpenak handitu direnez, ekitaldi honetara aurreratu ahal izan dira 249 milioi euroko zenbatekoa duen neurri berezien multzoa.

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
(IX legealdia 2009 - 2012)
Beste gonbidatu batzuk
  • Carlos Aguirre, Idoia Mendia