Eu

Gobernuak 2012ko aparteko pagaren azken laurdena ordainduko du eta, horrela, behin betiko amaitu Espainiako Gobernuak, duela 5 urte, hasitako gatazkarekin (Gobernu Bilera 2017-10-17)

2017.eko urriak 17

Gobernu Kontseiluak lege-proiektua onetsi du; lege-proiektuaren bidez, Eusko Legebiltzarrak berretsi ondoren, azaroko nominan ia 50 milioi euro ordaindu ahalko dira

Neurri horrek Euskal Administrazio Publikoan lan egiten duten ia 70.000 pertsonarengan du eragin; 2018tik aurrera, aparteko pagak kobratuko dituzte, ekainean eta abenduan, ohi bezala

Gobernu Kontseiluak, gaur, 2017 ekitaldirako Euskal Autonomia Erkidegoko Aurrekontu Orokorrak onesten dituen Legearen aldaketari buruzko Lege Proiektua onetsi du. Araudi-testu laburra da, artikulu bakarrekoa; horren bidez, aurten 2012ko abenduko aparteko pagaren azken laurdena ordainduko da, kontuan hartuta aparteko paga hori Espainiako Gobernuaren oinarrizko araudiak kentzeko ezarri zuela. 

Orain, Eusko Jaurlaritzak Eusko Legebiltzarrari bidaliko dio lege-proiektua, ahalik eta lasterren onesteko; horrela, azaroan, kopuru hori ordain dakieke Euskal Administrazio Publikoan lan egiten duten langileei. 

Neurri horrek, aurrekontuan, 50 milioi euro inguruko eragina izango du. 2012ko uztailaren 1aren eta 2012ko abenduaren 31ren artean Euskal Administrazio Publikoan zerbitzuak eman zituzten pertsona guztiengan du eragina. 70.000 langile inguru dira. Dagoeneko aktibo ez daudenek modu berean eta ofizioz jasoko dute dagokien zenbatekoa, eta ez dute horretarako zenbatekoa erreklamatu behar izango. 

Azken ordainketa hori eginda, Eusko Jaurlaritzak behin betiko itxiko du Espainiako Gobernuak, duela bi legegintzaldi, langile publikoekin hasitako gatazka, uztailaren 13ko 20/2012 Errege Lege Dekretua, Aurrekontu-egonkortasuna bermatzeko eta lehiakortasuna bultzatzeko neurriei buruzkoa, onetsi zuenean. 

2018KO APARTEKO PAGAK 

Gaur hartu den neurri honen bidez, 2018an normaltasunera bueltatuko da langile publikoen aparteko pagen ordainketan. Datorren urtetik aurrera, berriz ere likidatuko dira ekainean eta abenduan.

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • Gobernantza Publikoa eta Autogobernua
    2017.eko urriak 20

    Estimado Joxe:

    En Navidad, sí percibirá una parte de la paga extra si es usted trabajador de esta Administración Pública Vasca. El Gobierno adelantó a julio un 50% de la paga de diciembre, por lo que, este diciembre, abonará la otra mitad.

    Además, el Gobierno Vasco ha aprobado un proyecto de ley para poder pagar el último 25% pendiente de la paga que suspendió el Gobierno español en 2012. Una vez el proyecto de ley pase el debido trámite parlamentario, este Gobierno efectuará el pago del último cuarto de dicha extra en la nómina de noviembre de este año.

    Eskerrik asko por participar a través de Irekia.

  • 2017.eko urriak 17

    si algo que preguntar.
    si en julio se abono la paga de diciembre. y ahora se abona la ultima cuarta paga de 2012.
    Entiendo que en Navidad no habra paga extra por haber sido cobrada por adelantado
    practica llevada a cabo por el gobierno.
    Debemos pensar en nuestro presupuesto que en Navidad no habra paga por haberla recibido adelantada.
    saludos.
    saludos

Komunikabideek behera kargatzeko