Berriak Lehendakaritza
Eu

Europako ordezkaritza batek Euskadi bisitatuko du “Learning Tour 2019” ekimenaren esparruan

2019.eko azaroak 16
  • Learning Tour programaren seigarren edizioa da eta bere helburua da kanpoko pertsona gailenei Euskadik dituen alderdirik nabarmenenak eta berezienak erakustea
  • Esparru soziosanitarioan eragin handiko lau pertsona iritsiko dira Euskadira astelehenean (azaroaren 18an) eta gure gizartearen, ekonomiaren eta kulturaren ezaugarriak ezagutuko dituzte azaroaren 22ra arte

Flandria, Babiera, Gales eta Europako iparraldeko herrialdeetako kontseiluko ordezkaritza bat Euskadira bidaiatuko da “Euskadi Learning Tour 2019” seigarren edizioaren esparruan. Euskadi Basque Country 2020 nazioartekotzeko estrategiaren barruan Eusko Jaurlaritzak bultzatutako ekimen bat da, helburu duena kanpoaldean bazkide estrategikoekin harremanak bultzatzea, euskal gizartearen errealitatea ezagutu dezaten; Euskadik dituen alderdi nabarmenenak eta berezienak erakusteko aukera bat.

Oraingo honetan, Lehendakaritzak, azaroaren 18tik azaroaren 22rako astean, Europako ordezkaritza bat gonbidatu du; esparru soziosanitarioan adituak diren lau pertsona dira.

Agenda

Agenda azaroaren 18an hasiko da Eusko Legebiltzarrera bisita eginez, eta Ogasun eta Ekonomia sailarekin eta Kanpo Harremanetarako idazkaritza nagusiarekin bilduko da, besteak beste, Euskadi Basque Country Estrategia ezagutzeko. Arratsaldean, ordezkaritzak enplegu eta politika sozial, osasun eta hezkuntza sailekin bilduko da, bere politika sektorialak sakon ezagutzeko.

Gainerako egunak esparru jakin bati eskainita egongo dira, eta hiru lurralde historikoetan topaketak egingo dituzte sektore bakoitzaren hainbat eragilerekin.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak