Herritarren eskaerak Hezkuntza
Eu

Irakasle espezialista eta irakasle adituak kontratatzeari buruzko dekretua

Autokanporatutako erabiltzailea(e)k
2018.eko ekainak 15
0 boto

Kaixo,

Interesgarria iruditzen zait oso unibertsitatez kanpoko ikastetxe publikoetarako irakasle espezialista eta irakasle adituak kontratatzeari buruzko dekretua. Ez al duzue antzeko ezer aurreikusten Oinarrizko Hezkuntzarako, alegia, Haur Hezkuntza, Lehen Hezkuntza eta Bigarren Hezkuntzarako? Izan ere, badaude zerrendetan ez dauden (beraz, ez lioke inori lanik kenduko) profesional profil oso interesgarriak etapa horietarako, adibidez, psikomotrizistaren figura. Haur Hezkuntzan PT figurarik ez dago, berez, baina zailtasunak dituzten haurrek asko aurreratu lezakete psikomotrizitate laguntzan formatutako espezialistekin. Azpikontratek badute arrisku puntu bat, hori egia da, baina inori lanposturik kentzen ez bazaio... PTek Haur Hezkuntzan lan egingo balute, ez nuke proposamen hau egingo, baina horrela ez denez...

Eta zeinek kontratatuko lituzke kanpoko profesional horiek? Eskolak berak? Hezkuntza Sailak?

Zuek zer erantzungo zain,

Aritz

Aldeko argudioak
Gehienez 255 karaktere
Kontrako argudioak
Gehienez 255 karaktere
2 iruzkin
  • Faceless avatar thumb 70
    Zerbait esan nahi duzu?… iruzkindu eskaera hau
  • Autokanporatutako erabiltzailea
    2018.eko ekainak 28

    Eskerrik asko erantzunagatik!!!

  • Hezkuntza
    2018.eko ekainak 28

    Aritz agurgarria,
    Jakingo duzunez, Hezkuntzari buruzko maiatzaren 3ko 2/2006 Lege Organikoak espresuki aurreikusten du irakasle espezialistak sartzea Lanbide Heziketan eta arte, hizkuntza zein kirolen irakaskuntzetan. Lege aurreikuspen honi jarraiki, Hezkuntza Sailak berriki onartu duen 91/2018 Dekretuak arautzen du gorago aipaturiko eremu edo irakaskuntza horietarako irakasleen kontratazioa (91/2018 Dekretua, ekainaren 12koa, zeinaren bidez irakasle espezialista eta adituak kontratatzen baitira Eusko Jaurlaritzan hezkuntza arloko eskumena duen sailaren mendeko unibertsitatez kanpoko ikastetxe publikoetarako).

    Ez dago, hala ere, inolako lege aurreikuspenik beste hezkuntza etapa edo eremu batzuetarako irakasle espezialistak sartzeko, beraz, ez da posible izan aipaturiko Dekretuaren bidez halakorik arautzea. Nola nahi ere, eskertzen dizugu iradokizuna egin izana, etorkizuneko erregulazioetan aintzat hartua izan baitaiteke, beharrezko ikusiz gero.

    Bestalde, zure azken galderari erantzunez, argitu nahi genuke irakasle espezialistak Hezkuntza Sailak kontratatzen dituela, eta ez ikastetxeek.

    Mila esker berriro ere, Irekiaren bidez zure iradokizunak helarazteagatik.